Xildhibaanada oo dacwad ka ah ciidamada amaanka Muqdisho

Qaar ka mid ah Xildhibaanada Golaha shacabka ee maanta ka qeybgelayay kulanka 14aad ee Golaha shacabka ayaa waxaa ay sheegeen in ay maanta handadaad iyo rasaas kala kulmeen ciidanka amaanka ee ay maanta u xiranyihiin inta badan Waddooyinka Muqdisho.

Xildhibaannada maanta Golaha Baarlamaanka ka hor sheegay in handadaad iyo rasaas ay kala kulmeen Ciidanka waxaa ay kala yihiin; C/ Fitaax Ismaaciil Daahir, C/Qaadir Maxamuud Cismaan, Mahad Maxamad Salaad iyo Axmed Macalin Fiqi.

Dhinaca kale Guddoomiyaha Golaha Shacabka Maxamed Mursal Sheekh C/Raxmaan ayaa sheegay in Ciidanka amaanka ay maanta hakiyeen inta badan Xildhibaannada,isaga oo ciidanka ugu baaqay in ay ilaaliyaan xasaanadda Xildhibaannada.

Waxaa uu sidoo kale Guddiga amniga iyo difaaca ee Golaha shacabka amray in ay baaritaan ku sameeyaan Xildhibaannada maanta la kulmay handadaadda iyo Rasaasta ee dacwadda u gudbiyay Golaha shacabka.

Kulanka maanta ayaa ku saabsanaa aqrinta 1aad ee Hindise sharciyeedka bartilmaameedsiga cuna qabateynta dhaqaalaha iyo, qeybinta hindise sharciyeedka wax ka beddelka sharciga Hanti dhowrka Guud ee Qaranka ooo isna marayay aqrinta 2aad.

Kulanka waxaa manta xaadiray 145 ka mid ah 276da Xildhibaan ee Golaha Shacabka Soomaaliya.

SOMALITOPNEWS

%d bloggers like this: